அல்வா!

திருநெல்வேலி அல்வா என்றால் நாக்கில் வைத்த உடன் அப்படியே தொண்டைக்குழி வழியாக வழுக்கி இடை நிறுத்தம் இல்லாமல் வயிற்றுக்குள் சென்று விழ வேண்டும் என்பது எழுதப்படாத விதி!

திருநெல்வேலிக்கு வருகை தரும் அனைவருமே இங்கு கிடைக்கும் சுவையான அல்வாவை வாங்கி கொண்டு தான் வீடு திரும்புவார்கள். திருநெல்வேலி அல்வாவுக்கு என்று தனி சுவையும் தரமும் இருப்பதால், அனைவருக்குமே அல்வா என்றால் கொள்ளை பிரியமாக தான் இருக்கும். அல்வா தயார் செய்ய பயன்படுத்தும் சம்பா கோதுமை மற்றும் தாமிரபரணி தண்ணீர் தான் அதன் தனித்துவமான சுவைக்கு காரணம். அல்வா பற்றிய எங்கள் தற்போதைய பதிவுகள் உங்களுக்கு சுவாரசியமான தகவல்களை வழங்குகிறது.

திருநெல்வேலிக்கு செல்லும் போதெல்லாம் அல்வா பற்றிய சிந்தனை உங்கள் மனதுக்குள் ஓடிக்கொண்டே இருக்கும். அந்த அளவுக்கு திருநெல்வேலியும் அல்வாவும் பிரிக்க முடியாத ஜோடியாக இருக்கிறது. இங்குள்ள பாரம்பரிய இருட்டுக்கடையில் சுருட்டிய துண்டு வாழை இலையில் விற்கப்படும் சூடான அல்வாவை ஒருமுறை சுவைத்தால், மீண்டும் மீண்டும் சுவைக்க தூண்டும்!