திருநெல்வேலி சிவாலயங்களில் நேற்று சித்திரை திருவோணம் நடராஜர் அபிஷேகம் சிறப்பாக நடைபெற்றது..!

Natarajar Abishaekamசித்திரை மாத திருவோணம் நட்சத்திரமான நேற்று நடராஜ பெருமானுக்கு சிறப்பு அபிஷேங்கள் நடைபெற்றது. சிவன் கோவில்களில் நடராஜருக்கு வருடத்திற்கு 6 தினங்கள் அபிஷேகம் விமரிசையாக நடைபெறும்.

அவைகள்.,

  1. மார்கழி திருவாதிரை – வைகறை
  2. மாசி சதுர்த்தசி – காலை
  3. சித்திரை திருவோணம் – உச்சி காலம்
  4. ஆனி உத்திரம் – சாயரட்சை
  5. ஆவணி சதுர்த்தசி – இரவு
  6. புரட்டாசி சதுர்த்தசி – அர்த்த ஜாமம்

இந்த தினங்களில் சிவன் கோவிலில் எழுந்தருளியுள்ள நடராஜ பெருமானுக்கு சிறப்பு அபிஷேகங்கள் நடைபெறும். நேற்று சித்திரை திருவோணத்தை முன்னிட்டு திருநெல்வேலி பகுதியில் உள்ள சுவாமி நெல்லையப்பர் கோவில், செப்பறை நடராஜர் கோவில், சந்திப்பு கைலாசநாதர் கோவில், குறிச்சி சொக்கநாதர் கோவில், பாளையங்கோட்டை திரிபுராந்தீஸ்வரர் கோவில் ஆகிய திருக்கோவில்களில் நடராஜ பெருமானுக்கு நேற்று சிறப்பு அபிஷேங்கள் மற்றும் அலங்கார தீபாராதனை விமரிசையாக நடைபெற்றது. தற்போது கொரோனா நோய் பரவல் காரணமாக திருக்கோவில்களில் பக்தர்கள் தரிசனத்திற்கு தடை விதிக்கப்பட்டுள்ள நிலையில், கோவிலுக்குள் பக்தர்கள் அனுமதியின்றி பூஜைகள் நடைபெற்றது குறிப்பிடத்தக்கது.

About Lakshmi Priyanka

Check Also

ஆடி மாதம் முளைப்பாரி திருவிழா

திருநெல்வேலி மற்றும் பாளையங்கோட்டை பகுதிகளில் உள்ள அம்மன் கோவில்களில் ஆடி மாதம் முளைப்பாரி விழா வெகு விமரிசையாக நடைபெறும். இந்த …

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

This site uses Akismet to reduce spam. Learn how your comment data is processed.

error: Content is protected !!