திருநெல்வேலி நெல்லையப்பர் கோவில் ஆனிப்பெருந்திருவிழா எட்டாம் நாள் நினைவலைகள்!

திருநெல்வேலி மாநகரில் உள்ள பிரசித்தி பெற்ற சுவாமி ஸ்ரீ நெல்லையப்பர் – ஸ்ரீ காந்திமதி அம்மை திருக்கோவிலின் பிரசித்தி பெற்ற ஆனிப்பெருந்திருவிழா இரண்டு வருடங்களாக கொரோனா நோய்த்தொற்று காரணமாக நடைபெறாத நிலையில், இந்த வருட திருவிழா நிகழ்வுகளை நாம் தினமும் நினைவலைகளாக காணலாம்.

இவ்வருட ஆனிப்பெருந்திருவிழா துவங்கி இருந்தால், எட்டாம் திருநாளான இன்று காலை தாமிரசபை ஸ்ரீ நடராஜர், ஸ்ரீ சிவகாமி அம்மை – வெள்ளை சாத்தி திருக்கோலத்தில் பெரிய பிரகாரத்தில் உலா வந்திருப்பார். இன்று பகலில் தாமிரசபை ஸ்ரீ நடராஜர், ஸ்ரீ சிவகாமி அம்மை – பச்சை சாத்தி திருக்கோலத்தில் தட்டி அலங்கார சப்பரத்தில் எழுந்தருளி ரத வீதிகளில் உலா வந்திருப்பார்கள்.

இன்று மாலை இந்த ஸ்தலத்தின் சிறப்பு மூர்த்தியான ஸ்ரீ கங்காளநாதர் – தங்கச் சப்பரத்திலும், ஸ்ரீ மோகினி (விஷ்ணு) – சப்பரத்திலும் எழுந்தருளி
திருக்கோவில் யானை காந்திமதி முன்செல்ல, பஞ்சவாத்தியங்கள், நாதஸ்வரம் – மேளம் முழங்க, தேவார – திருமுறை பண்ணிசை முழங்க ரத வீதிகளில் உலா வந்திருப்பார்கள்.

இரவில்  சுவாமி ஸ்ரீ நெல்லையப்பர் – தங்க கைலாச பர்வத வாகனத்திலும், ஸ்ரீ காந்திமதி அம்மை – தங்கக்கிளி வாகனத்திலும்  எழுந்தருளி தேர்க்கடாட்சம் கண்டருள, ஸ்ரீ விநாயகர் – தேரிலும், ஸ்ரீ சுப்பிரமணியர் – தேரிலும் எழுந்தருள இரண்டு தேர்களும் பக்தர்களால் வடம் பிடிக்கப்பட்டு ரத வீதிகளில் உலா வந்திருப்பார்கள்.

About Lakshmi Priyanka

Check Also

ஆடி மாதம் முளைப்பாரி திருவிழா

திருநெல்வேலி மற்றும் பாளையங்கோட்டை பகுதிகளில் உள்ள அம்மன் கோவில்களில் ஆடி மாதம் முளைப்பாரி விழா வெகு விமரிசையாக நடைபெறும். இந்த …

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

This site uses Akismet to reduce spam. Learn how your comment data is processed.

error: Content is protected !!