English

சுத்தமல்லி அணைக்கட்டு

வாசிப்பு நேரம்: 5 Minutes
No Comments

அடிக்கிற வெயிலுக்கு எங்கயாவது போய் தண்ணீரில் விழுந்து குளிச்சா சுகமா இருக்கும் என்று நம்ம எல்லோருக்குமே தோணும். அந்த அளவுக்கு வெயில் மண்டைய சுட்டெரிக்குது. என்னதான் நம்ம மாநகரத்துக்குள்ள தாமிரபரணி ஆறு ஓடினாலும், கொஞ்சம் அமைதியான பகுதிகளுக்கு போய் நாம குளிச்சுட்டு வர்றது தனி சுகம் தான் என்று நம்மில் பலருக்கும் தோன்றலாம். அந்த வகையில் திருநெல்வேலி மாநகரத்தில் இருந்து சுமார் 10 கிலோமீட்டர் தொலைவில் உள்ள சுத்தமல்லி அணைக்கட்டு ஒரு சிறப்பான பகுதியாக விளங்குகிறது.

தாமிரபரணி ஆற்றின் குறுக்கே கட்டப்பட்டுள்ள இந்த அணைக்கட்டு சுத்தமல்லி கிராமத்தின் ஒதுக்குப்புறத்தில் பச்சை பசேல் வயல் பகுதிகளுக்கு நடுவே அமையப்பெற்றுள்ளது. கிராமத்துக்குள் அமையப்பெற்றுள்ள இடம் என்பதால் இங்கு அமைதியான சூழல் நிலவுகிறது. இங்குள்ள அணைக்கட்டு பகுதியில் குளிப்பது ஒரு சுகமான அனுபவமாக இருக்கும். இங்கிருந்து தான் நெல்லை கால்வாய் தனியாக பிரிந்து செல்கிறது. இந்த அணைக்கட்டு பகுதியில் ஆற்றின் நடுவே ஒரு சிறிய மலை குன்று ஒன்று இருக்கிறது. அந்த குன்றின் மீது ஒரு சிறு கோவிலும் இருக்கிறது. இந்த குன்றின் மேல் நின்று பார்த்தால் ஆற்றின் பகுதியும், வயல் வெளிகளும் மிக அழகாக தெரியும்.

இந்து மலைக்குன்றுக்கு மேலே கோடை காலமான தற்போது மிக எளிதாக சென்று வரலாம். ஆற்றில் தண்ணீர் அதிகம் வரும் போது இதற்கு செல்வது சற்று கடினமான விஷயமாக இருக்கும். ஆற்றின் கரையில் பெரிய பெரிய ஆல மரங்கள் நமக்கு நிழல் தரும் வகையில் வளர்ந்து நிற்கின்றன, மேலும் சிறு மண்டபங்களுடன் கூடிய சாஸ்தா கோவில் ஒன்றும் உள்ளது. இந்த பகுதியின் அருமை தெரிந்தவர்கள் வாரத்திற்கு ஒருமுறை தங்கள் குடும்பத்தினருடன் வந்து குளித்து மகிழ்கின்றனர். மேலும் வீட்டில் இருந்தே உணவு சமைத்து எடுத்து வந்து குளித்து முடித்தவுடன், குடும்பமாக அமர்ந்து உணவருந்தியும் செல்கின்றனர். கோடை கால வெயிலின் தாக்கத்தில் இருந்து விடுபட நாமும் சுத்தமல்லி அணைக்கட்டு பகுதிக்கு சென்று ஆனந்த குளியல் போட்டு வரலாம். இங்கு செல்ல நம் சொந்த வாகனங்கள் இருந்தால் வசதியாக இருக்கும். அல்லது வாடகை வாகனங்களை அமர்த்தியும் சென்று வரலாம்.

அமைவிடம்: திருநெல்வேலி மாநகரில் இருந்து பேட்டை வழியாக சேரன்மகாதேவி சாலையில் சுமார் 7 கிலோமீட்டர் பயணித்தால் சுத்தமல்லி விலக்கு என்ற இடம் வரும். இந்த சுத்தமல்லி விலக்கில் இருந்து கிழக்கே பிரிந்து செல்லும் சாலை வழியாக பயணித்தால் சுமார் 2 கிலோமீட்டர் தூரத்தில் சுத்தமல்லி கிராமம் வரும். அங்கிருந்து சுமார் 1 கிலோமீட்டர் தொலைவில் அமையப்பெற்றுள்ளது சுத்தமல்லி அணைக்கட்டு.

Leave a Reply

Your email address will not be published.

இதையும் பார்க்கலாமே...

உதவிக்கு அழைக்க
  • ஆட்சியர் அலுவலகம் : 0462-2501035
  • காவல் கட்டுப்பாட்டு அறை : 100
  • போக்குவரத்து காவல்துறை : 103
  • மருத்துவ உதவி எண் : 104
  • தீயணைப்பு துறை : 101
  • ஆம்புலன்ஸ் உதவிக்கு : 108
  • ஆம்புலன்ஸ் (தேசிய நெடுஞ்சாலைகள்) : 1073
  • குழந்தைகள் நலம் : 1098
  • பாலியல் துன்புறுத்தல் : 1091
  • ரயில்வே உதவி எண் : 1512
TIRUNELVELI WEATHER
Copyright © 2022 Tirunelveli Today | All Rights Reserved.
Top file-emptyusertagclockmagnifiercrosstext-align-justify linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram